ဆောင်းပါးများ
ရခိုင်မြေ အေးချမ်းသာယာပါစေကြောင်း
အနောက်ဘက်ယွန်းယွန်း အရပ်ဒေသများကနေ ရောက်ရှိလာတတ်သောကြောင့် အနောက်နွား ဟု ခေါ်ကြသလားတော့ မပြောတတ်ပါ။ အနှီ အနောက်နွားတစ်ကောင်ကို ကျပ်လေးရာ၊ လေးရာ့ငါးဆယ်နှင့် ဝယ်လို့ရသောခေတ်၌ ကျွန်တော်လူဖြစ်ခဲ့သည်ဟုလည်း ပြောနိုင်ပါ သည်။ လှည်းယဉ်(ရွာမှာတော့ လှည်းယဉ်ကို မောင်းလှည်းဟုလည်း ခေါ်တတ်ကြ၏)မောင်း ရန်ဝါသနာပါသော ကျောင်းဆရာ ကျွန်တော့် အဖေကိုယ်တိုင် အနောက်နွားတစ်ကောင်ကို ထိုဈေးနှင့် ဝယ်ခဲ့ဖူးသည်ကိုလည်း အမှတ်ရနေမိ ၏။ အဖြူရောင်နွားကလေးမို့ စံပယ်ဟု အမည် ပေးခဲ့ကြသည်။
