ရန်ကုန် ၂၀၁၆ ခုနှစ်၊ ဇူလိုင်လ ၂၉ ရက်
နယ်စပ်ရေးရာဝန်ကြီးဌာန၊ ပညာရေးနှင့်လေ့ကျင့်ရေးဦးစီးဌာန ညွှန်ကြားရေးမှူးချုပ် (ကိုယ်စား) ဒုတိယညွှန်ကြားရေးမှူးချုပ် ဦးအောင်ကျော်သည် (၂၉-၇-၂၀၁၆) ရက်နေ့တွင် ရန်ကုန်တိုင်း ဒေသကြီး၊ ဒဂုံမြို့သစ်(မြောက်ပိုင်း) မြို့နယ်ရှိ ဗဟိုလေ့ကျင့်ရေးကျောင်း၌ ကျင်းပပြုလုပ်သော ခေတ်မီမော်တာအထည်ချုပ်စက် သင်တန်းအမှတ်စဉ် (၁၃) သင်တန်း ဆင်းပွဲအခမ်းအနားသို့တက်ရောက်ခဲ့ပြီး ကျောင်းအုပ်ကြီး၊ဒုတိယကျောင်းအုပ်ကြီး၊သင်တန်းနည်းပြများ၊ဝန်ထမ်းများ၊သင်တန်းသူများနှင့် တွေ့ဆုံ၍အမှာစကား ပြောကြားခြင်း၊ ခေတ်မီမော်တာ အထည်ချုပ်စက် သင်တန်း အမှတ်စဉ် (၁၃) သင်တန်းသူများ၏ ချုပ်လုပ်လေ့ကျင့်နေမှုအား ကြည့်ရှုစစ်ဆေးခြင်း၊ သင်တန်းသူများအား အားပေးဆုံးမစကား မြွက်ကြားခြင်း များ ဆောင်ရွက်ခဲ့ပါသည်။
အဆိုပါ အခမ်းအနားသို့ ခေတ်မီမော်တာအထည်ချုပ်စက်သင်တန်းအမှတ်စဉ် (၁၃) သင်တန်းသူ (၁၀၃)ဦး၊ ဖိတ်ကြားထားသည့် ဧည့်သည်တော်များ၊ စက်ရုံပိုင်ရှင်နှင့် ဝန်ထမ်း (၈၂)ဦး၊ စုစုပေါင်း (၁၈၅)ဦး တက်ရောက်ခဲ့ပါသည်။
