နေပြည်တော် ၂၀၁၇ ခုနှစ်၊ စက်တင်ဘာလ ၂၁
နယ်စပ်ဒေသနှင့်တိုင်းရင်းသား လူမျိုးများဖွံ့ဖြိုးတိုးတက်ရေးဦးစီးဌာနနှင့် ကုလသမဂ္ဂ ဖွံ့ဖြိုးတိုးတက်မှုအစီအစဉ် (UNDP) တို့ ပူးပေါင်း ဆောင်ရွက်လျက်ရှိသည့် လူမှုအသိုင်းအဝန်းအတွင်း သဟဇာတ ဖြစ်စေရန် အသက်မွေးဝမ်းကျောင်း လုပ်ငန်းများအတွက် ပံ့ပိုးခြင်း စီမံချက် ဆိုင်ရာ ရလဒ်ဘုတ်အစည်းအဝေးအား နယ်စပ်ဒေသနှင့် တိုင်းရင်းသား လူမျိုးများဖွံ့ဖြိုးတိုးတက်ရေးဦးစီးဌာန အစည်းအဝေး ခန်းမ၌ (၂၁-၉- ၂၀၁၇) ရက်နေ့ (၁၀:၀၀) နာရီအချိန်တွင် ကျင်းပပြုလုပ်ခဲ့ရာ ညွှန်ကြားရေးမှူးချုပ် ဦးရဲနိုင်မှ နှုတ်ခွန်းဆက် အမှာစကားပြောကြားခဲ့ပါသည်။
အစည်းအဝေးတွင် UNDP မှ မြန်မာနိုင်ငံတွင် ဆောင်ရွက်လျက်ရှိသည့် နိုင်ငံဆိုင်ရာ အစီအစဉ် (၂၀၁၃-၂၀၁၇) ၏ အစိတ်အပိုင်းတစ်ခု ဖြစ်သည့် လူမှုအသိုင်းအဝန်းအတွင်း သဟဇာတဖြစ်စေရန် အသက်မွေးဝမ်းကျောင်း လုပ်ငန်းများအတွက် ပံ့ပိုးခြင်းစီမံချက်၏ ၂၀၁၇ ခုနှစ်၊ ဇန်နဝါရီလမှ သြဂုတ်လအထိ ဆောင်ရွက်ခဲ့သော လုပ်ငန်းများ၊ ၂၀၁၇ ခုနှစ်၊ စက်တင်ဘာလမှ ဒီဇင်ဘာလအတွင်း ဆောင်ရွက်သွားမည့် လုပ်ငန်း များနှင့် ရှေ့ဆက်လက် ဆောင်ရွက်မည့် နိုင်ငံဆိုင်ရာအစီအစဉ်အသစ် (၂၀၁၈-၂၀၂၁) နှင့် စပ်လျဉ်းသည့် အကြောင်းအရာများနှင့် စပ်လျဉ်း၍ ဆွေးနွေးခဲ့ကြပါသည်။
