နယ်စပ်ရေးရာဝန်ကြီးဌာန နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာနအနေဖြင့် ပြည်ထောင်စုရန်ပုံငွေဖြင့် မွန်ပြည်နယ်အတွင်း ကျောက်လမ်း ၁ မိုင် ၃ ဖာလုံ၊ ကတ္တရာလမ်း သုံးမိုင်၊ Box Culvert လေးစင်း၊ စက်ရေတွင်း (တွင်းနက်) တစ်တွင်း၊ ဆိုလာရေတင်စနစ်််ဖြင့် စိုက်ပျိုးရေရရှိရေးလုပ်ငန်း ခုနှစ်ခုတို့ကို အကောင်အထည်ဖော်ဆောင်ရွက်ပေးလျက်ရှိသည်။
အဆိုပါလုပ်ငန်းများအနက် သံဖြူဇရပ်မြို့နယ်အတွင်း ဝဲဝင်ကရာ-ဝယ်ဘိုးတောင်- ဖဲပဒေါ- ဝဲကတာလမ်း ၃ မိုင် ၅ ဖာလုံ အနက်တစ်မိုင်ကတ္တရာခင်းခြင်းနှင့်Box Culvert လေးစင်း တည်ဆောက်ခြင်းလုပ်ငန်းများကို ခွင့်ပြုငွေကျပ် ၃၆၂ ဒသမ ၆၇၈ သန်းဖြင့် သတ်မှတ်စံချိန်စံညွှန်းများနှင့်အညီ အချိန်မီပြီးစီးရေး ဆောင်ရွက်လျက်ရှိသည်။
ကတ္တရာလမ်း ဆောင်ရွက်ပြီးစီးသွားပါက မော်လမြိုင်ခရိုင်အတွင်းဝဲဝင်ကရာ၊ ဝယ်ဘိုးတောင်၊ ဖဲပဒေါ၊ ဝဲကတာ၊ ကျေးရွာများရှိ အိမ်ထောင်စု ၅၀၄ စု၊ လူဦးရေ ၂၉၁၉ ဦးတို့အတွက် အကျိုးပြုပြီး ရာသီမရွေးသွားလာနိုင်မည်ဖြစ်ကြောင်း သိရသည်။
