နေပြည်တော်၊ ဇန်နဝါရီ ၂၉
နယ်စပ်ရေးရာဝန်ကြီးဌာနအနေဖြင့် ရှမ်းပြည်နယ်(တောင်ပိုင်း) လွိုင်လင်ခရိုင်အတွင်းရှိ ဘုန်းကြီးကျောင်းများ၊ စာသင်တိုက်များတွင် ရဟန်းရှင်များ၊ သာမဏေများ၊ သီလရှင်များအတွက် ဆွမ်းအခက်အခဲ မရှိစေရန် ရည်ရွယ်၍ လှူဒါန်းထောက်ပံ့ပေးလျက်ရှိရာ ယနေ့နံနက်ပိုင်းတွင် လွိုလင်ခရိုင်ဖွံ့ဖြိုးမှုကြီကြပ်ရေးရုံးမှ ဦးစီးအရာရှိ ဦးရန်အောင်ကျော်မျိုး နှင့် တာဝန်ရှိသူများသည် လွိုင်လင်မြို့နယ် ပင်လုံမြို့ရှိ ဝမ့်အဲန်ဘုန်းကြီးကျောင်းသို့ ဆွမ်းဆန်တော်၊ ဆီ၊ဆား၊ကုလားပဲ၊ ကြက်ဥ၊ ကြက်သွန်နီများကို ကျောင်းထိုင်ဆရာတော် အရှင်ရာဇိန္ဒထံ ဆက်ကပ်လှူဒါန်းခဲ့သည်။
အလားတူ နယ်စပ်ရေးရာဝန်ကြီးဌာနအနေဖြင့် မြန်မာနိုင်ငံအတွင်း လတ်တလော ဖြစ်ပွားနေသော ကိုဗစ်-၁၉ ရောဂါကာကွယ်ရေးအတွက် ကျန်းမာရေးဆိုင်ရာ အထောက်အကူ ပြုပစ္စည်းများ၊ အားဖြည့်အစားအစာများကို လွိုင်လင်ခရိုင် အတွင်းရှိ ကိုဗစ်-၁၉ စင်တာများသို့ ဆက်လက်လှူဒါန်း ထောက်ပံ့ပေးသွားမည်ဖြစ်ကြောင်း သိရသည်။